By Klub Monties is ons méér as net ’n ondersteuners klub ✨ons is ’n ondersteuners gemeenskap wat regtig omgee, met ʼn gemeenskaplike doel om die skool en sy leerders op ’n betekenisvolle manier te ondersteun✨ Om ’n verskil te maak, reël ons fondsinsamelings, loods verskeie inisiatiewe, hou golf dae, sport- en fees geleenthede, en werk saam met die besigheid gemeenskap in ons omgewing vir borgskappe. Hiermee samel ons die nodige fondse in om die skool en sy leerders te ondersteun en te help floreer. Elke projek is ’n manier om iets terug te gee en seker te maak dat Monties en sy gemeenskap ’n plek bly waar jong mense kan groei en hul volle potensiaal bereik.